ئاکرێ نیوز:
دکتور شڤان سەعید قوتابیێ دکتورایێ ل بەشێ نشتەرگەریێن گشتی ددەتە دیارکرن کو بێ گومان ئێک ل خوشترین روژ ل دەف زاروکان هاتنا جەژنێ یە ، دڤێ روژێ دا زاروک زور بەختەوەر و کەیف خوش دبن ، دا کو روژێن خوش بورینن، ل سەر دایک و باب و جڤاکێ مە پێدڤی یە دەست ل چەند رەفتار و نەریتێن کەڤن بەردەن و پێنگاڤێت پێدڤی بۆ پاراستنا ساخلەمیا زاروکێن خو بهاڤێژن .
گۆت یا ل هەمیێ گرنگتر ئەوە کو زوربەیا خەلکێ مە دەمێ پێدڤیێن جەژنێ دکرن مینا چەرەزات و شریناهی و چۆکلێت ....هتد ل دوماهیێ دێ بێژن کا دا بو زاروکێن دهێنە جەژنێ هندەک تشتا بکرین ، جهێ داخێ یە کو چکلێت و شەکروک و بەنیشتێن زور کوالێتی نزم و خراب دهێنە کرین ، کو ب خارنا وان تشتا ساخلەمیا زاروکی دکەڤیتە د مەترسیێ دا ، لەوما دێ بینی ل روژێن جەژنێ دا ئاریشێن زکچوون و دلرابین و ئێشانا زکی ل نک زاروکان زێدەدبیت .
ل دور چارەسەریێ دکتوری گۆت دڤێت ئەم ئەڤ نەریتێ نە ساخلەم ب گوهرینین و ساخلەمیا زاروکێن خو ب گرنگ وەربگرین،ل دەمێ کرینا پێدڤیێت جەژنێ تشتێن باشترین کوالێتی و ساخلەمی بۆ زاروکا بکرین، هەروەسا نیشا زاروکان بدەین کو نابیت د روژێن جەژنێ دا زور شریناهیا بخون داکو ساخلەمیا وان تێک نەچیت .