دیندار زێباری:
رێكخه‌رێ راسپارده‌یێن نێڤده‌وله‌تى ل حكومه‌تا هه‌رێما كوردستانێ ئاشكراكر، نوكه ل هه‌رێما كوردستانێ زێده‌تر ژ چار هزار ده‌سته‌سه‌ركرییێن مادده‌یێن بێهۆشكه‌ر هه‌نه و بۆ ڤێ مه‌ره‌مێ داخواز ژ حكومه‌تا عیراقێ و لایه‌نێن نێڤده‌وله‌تى كر، بۆ به‌رهنگاربوونا مادده‌یێن بێهۆشكه‌ر دهاریكاربن.
د. دیندار زێبارى رێكخه‌رێ راسپارده‌یێن نێڤده‌وله‌تى ل رۆژا جیهانییا به‌رهنگاربوونا مادده‌یێن بێهۆشكه‌ر و كارتێكه‌رێن عه‌قلى راگه‌هاند، ئالووده‌بوون وه‌كو زیانه‌كا جڤاكى كارتێكرنێن جه‌سته‌یى و ده‌روونى هه‌نه و ب ئێك ژ مه‌زنترین ئاریشه‌یێن جڤاكى و ئابوورى و ساخله‌مى ل سه‌ر ئاستێ جیهانێ دهێته هژمارتن.
ئاماژه ب هندێ ژى دا، ئه‌وێن نوكه ل ناڤه‌ندێن چاكسازى و ده‌زگه‌هێن ئێمناهییێ هاتینه ده‌سته‌سه‌ركرن ژماره‌یا وان ژ چار هزار كه‌سان پتره و به‌هرا پتر یا وان گه‌نجن، به‌رامبه‌ر ڤێ ژمارێ، ب هزاران خه‌لكێ دى ل هه‌رێما كوردستانێ هه‌نه ئالووده‌ى مادده‌یێن بێهۆشكه‌ربووینه.